சென்னை | ஜூலை 22, 2026
தமிழ்நாடு அரசின் தொழில் முனைவோர் மேம்பாடு மற்றும் புத்தாக்க நிறுவனம் (EDII-TN) சார்பில் இளைஞர்களுக்கு நவீன தொழில் வாய்ப்புகளை உருவாக்கும் நோக்கில் 3 நாட்கள் கொண்ட 'மீடியா ட்ரோன் பயிற்சி' (Media Drone Training) சென்னையில் நடைபெற உள்ளது.
பயிற்சி விவரங்கள் மற்றும் சிறப்பம்சங்கள்:
சென்னை கிண்டியில் உள்ள EDII-TN வளாகத்தில் வரும் 27.07.2026 முதல் 29.07.2026 வரை மூன்று நாட்கள் (காலை 10.00 மணி முதல் மாலை 5.00 மணி வரை) இந்தப் பயிற்சி நடைபெறுகிறது.
இப்பயிற்சியில் கலந்துகொள்பவர்களுக்குக் கீழே குறிப்பிடப்பட்டுள்ள முக்கிய நுட்பங்கள் கற்றுத்தரப்படும்:
- ட்ரோன் தொழில் நுட்ப அறிமுகம்: ட்ரோன்களின் அடிப்படை இயக்கம் மற்றும் வடிவமைப்பு.
- சினிமாட்டோகிராபி (Cinematography): வானிலிருந்து புகைப்படம்/வீடியோ எடுத்தல் (Aerial Photography) மற்றும் FPV சினிமாட்டோகிராபி நுட்பங்கள்.
- பாதுகாப்பு & சட்டங்கள்: DGCA (Directorate General of Civil Aviation) விதிமுறைகள் மற்றும் விமான பாதுகாப்பு முறைகள்.
- அரசு மானியங்கள்: தொழில் தொடங்குவதற்காக மத்திய மற்றும் மாநில அரசுகள் வழங்கும் நிதியுதவித் திட்டங்கள்/மானியங்கள் குறித்த வழிகாட்டுதல்.
வேலை மற்றும் சுயதொழில் வாய்ப்புகள்:
பயிற்சியை முடிப்பவர்களுக்கு சினிமா மற்றும் தொலைக்காட்சி தயாரிப்பு, செய்தி ஊடகங்கள், யூடியூப் கன்டென்ட் உருவாக்கம், விளம்பர நிறுவனங்கள், ரியல் எஸ்டேட், வனவிலங்கு புகைப்படம் எடுத்தல், காவல் மற்றும் மீட்புப் பணிகள் எனப் பல்வேறு துறைகளில் அதிக வருமானம் ஈட்டக்கூடிய வாய்ப்புகள் காத்திருக்கின்றன.
தகுதிகள் மற்றும் விண்ணப்பிக்கும் முறை:
- கல்வித் தகுதி: 10-ஆம் வகுப்பு தேர்ச்சி பெற்றிருக்க வேண்டும். அடிப்படை கணினி அறிவு இருப்பது அவசியம்.
- வயது வரம்பு: 18 வயதிற்கு மேற்பட்ட ஆண்கள், பெண்கள், திருநங்கைகள் மற்றும் திருநம்பிகள் அனைவரும் விண்ணப்பிக்கலாம்.
- வசதிகள்: வெளியூர் பயனாளிகளுக்குக் குறைந்த வாடகையில் தங்கும் விடுதி வசதியும் உண்டு. பயிற்சி முடிவில் தமிழ்நாடு அரசின் அதிகாரப்பூர்வ சான்றிதழ் வழங்கப்படும்.
விண்ணப்பிக்கும் இணையதளம்:
www.editn.in தொடர்பு எண்கள்: 9360221280 / 8668100181 (திங்கள் - வெள்ளி, காலை 10:00 - மாலை 5:00)
முகவரி: EDII-TN, சிட்கோ தொழிற்பேட்டை, ஈக்காட்டுத்தாங்கல், கிண்டி, சென்னை - 600032.
