📰 காஞ்சிபுரம் மாவட்டத்தில் தேசிய அடையாள அட்டை (UDID Card) முகாம்kanchipuram-udid-card-camp-2025

காஞ்சிபுரம்

மாற்றுத்திறனாளிகள் நல ஆணையர் அவர்களின் அறிவுரைப்படி, காஞ்சிபுரம் மாவட்டத்தில் தேசிய அடையாள அட்டை (UDID Card) வழங்கும் பணிகள் தீவிரப்படுத்தப்பட்டுள்ளன. இதற்காக, அனைத்து மாவட்டங்களிலும் இந்தத் திட்டம் சிறப்பாக செயல்படுத்தப்பட வேண்டும் என அறிவுறுத்தப்பட்டுள்ளது.

இதுகுறித்து மாவட்ட ஆட்சித்தலைவர்  கலைச்செல்வி மோகன்  தெரிவித்துள்ளதாவது, 

காஞ்சிபுரம் மாவட்டத்தில் அரசு மருத்துவமனைகளில் பல்வேறு துறைகளின் சிறப்பு மருத்துவர்கள் கலந்து கொள்ளும் முகாம்கள் இனிவரும் நாட்களில் நடத்தப்பட உள்ளன.

இந்த முகாம்களில் பங்கேற்கும் மருத்துவர்கள்:

• எலும்பு முறிவு மருத்துவர் (Orthopedic Specialist)

• காது, மூக்கு, தொண்டை மருத்துவர் (ENT Specialist)

• மனநல மருத்துவர் (Psychiatrist)

• நரம்பியல் மருத்துவர் (Neurologist)

• பொது மருத்துவர் (General Physician)

• கண் மருத்துவர் (Ophthalmologist)

• குழந்தை நல மருத்துவர் (Pediatrician)

• காது பரிசோதகர் (Audiologist)

• கண் பரிசோதகர் (Ophthalmic Technician)

இந்த முகாம்களின் மூலம், காஞ்சிபுரம் மாவட்டத்தைச் சேர்ந்த மாற்றுத்திறனாளிகள் தங்கள் தேசிய அடையாள அட்டை (UDID Card) பெற தேவையான மருத்துவ பரிசோதனைகளையும் சான்றிதழ்களையும் ஒரே இடத்தில் பெறலாம்.

முகாம்கள் நடைபெறும் இடம் - அட்டவணை

வ. எண்	ஒன்றியம்	இடம்	நடைபெறும் நாள்
1.	காஞ்சிபுரம்	DEIC, அரசு பொது மருத்துவமனை வளாகம், காஞ்சிபுரம்	வாரம்தோறும் புதன்கிழமை
2.	திருப்பெரும்புதூர்	அரசு பொது மருத்துவமனை, திருப்பெரும்புதூர்	மாதத்தின்  முதல் வெள்ளிக்கிழமை
3.	வாலாஜாபாத்	அரசு பொது மருத்துவமனை, வாலாஜாபாத்	மாதத்தின்  இரண்டாம் வெள்ளிக்கிழமை
4.	உத்திரமேரூர்	அரசு பொது மருத்துவமனை, உத்திரமேரூர்	மாதத்தின்  மூன்றாம் வெள்ளிக்கிழமை
5.	குன்றத்தூர்	அரசு ஆரம்ப சுகாதார மையம், குன்றத்தூர்	மாதத்தின்  நான்காம்; வெள்ளிக்கிழமை

மாவட்ட ஆட்சித்தலைவர் திருமதி. கலைச்செல்வி மோகன், இ.ஆ.ப., அவர்கள், காஞ்சிபுரம் மாவட்ட மாற்றுத்திறனாளிகள் அனைவரும் இம்முகாம்களில் கலந்துகொண்டு அரசுத் திட்ட நன்மைகளைப் பெறுமாறு கேட்டுக்கொண்டுள்ளார்.