தொழிலாளர் நல அலுவலர் பணிக்கான சிறப்புப் படிப்புகள்: தமிழ்நாடு தொழிலாளர் கல்வி நிலையத்தில் சேர்க்கை நீட்டிப்பு - மே 29 கடைசி நாள்!

சென்னை | மே 21, 2026

தமிழ்நாடு அரசின் தொழிலாளர் நலன் மற்றும் திறன் மேம்பாட்டுத் துறையின் கீழ் சென்னை அம்பத்தூரில் இயங்கி வரும் புகழ்பெற்ற தமிழ்நாடு தொழிலாளர் கல்வி நிலையம் (Tamilnadu Institute of Labour Studies - TILS), நடப்பு 2026-2027 ஆம் கல்வியாண்டிற்கான பட்ட மற்றும் பட்டயப் படிப்புகளின் விண்ணப்பக் காலக்கெடுவை நீட்டித்து அதிகாரப்பூர்வ செய்திக்குறிப்பை வெளியிட்டுள்ளது.

மனிதவள மேம்பாடு (HR) மற்றும் தொழிலாளர் நலப் படிப்புகள்:

இக்கல்வி நிலையத்தில் கற்பிக்கப்படும் படிப்புகள் அனைத்தும் பல்வேறு முன்னணித் தொழிற்சாலைகள் மற்றும் கார்ப்பரேட் நிறுவனங்களில் மனிதவள மேம்பாட்டு மேலாளர் (HR Manager) மற்றும் தொழிலாளர் நல அலுவலர் (Labour Welfare Officer) போன்ற உயரிய பதவிகளுக்குப் பிரத்யேக கல்வித் தகுதியாகத் தமிழ்நாடு தொழிற்சாலைகள் விதிகளின்படி வரையறுக்கப்பட்டுள்ளன:

• B.A. (தொழிலாளர் மேலாண்மை - Labour Management): பிளஸ் 2 (+2) முடித்த மாணவர்கள் விண்ணப்பிக்கலாம் (சென்னை பல்கலைக்கழக அங்கீகாரம் பெற்றது).

• M.A. (தொழிலாளர் மேலாண்மை): ஏதேனும் ஓர் இளநிலை பட்டம் பெற்றவர்கள் விண்ணப்பிக்கலாம் (சென்னை பல்கலைக்கழக அங்கீகாரம் பெற்றது).

• PGDLA (தொழிலாளர் நிர்வாகத்தில் முதுநிலை மாலை நேர பட்டயப்படிப்பு): பணிபுரிபவர்களுக்கான பிரத்யேக மாலை நேரப் படிப்பு (தமிழக அரசு அங்கீகாரம் பெற்றது).

• DLL (AL) (தொழிலாளர் சட்டங்களும் நிர்வாகவியல் சட்டமும்): வார இறுதி நாட்களில் (Weekend Course) நடத்தப்படும் சிறப்புப் பட்டயப் படிப்பு.

முக்கிய விவரங்கள் மற்றும் வசதிகள்:

• விண்ணப்பிக்கக் கடைசி நாள்: 

விருப்பமுள்ள மாணவர்கள் விண்ணப்பிப்பதற்கான கடைசித் தேதி 29.05.2026 வரை நீட்டிக்கப்பட்டுள்ளது.

• தேர்வு முறை: 

நுழைவுத்தேர்வுகள் ஏதுமின்றி, மாணவர்கள் பெற்ற மதிப்பெண்கள் மற்றும் தமிழக அரசின் இடஒதுக்கீடு விதிகளின் அடிப்படையில் மட்டுமே சேர்க்கை நடைபெறும்.

• விடுதி வசதி: 

இளநிலை (B.A) மற்றும் முதுநிலை (M.A) பயிலும் ஆண் மாணவர்களுக்கு மட்டும் கல்வி நிலைய வளாகத்தில் தங்கும் விடுதி வசதி உள்ளது.

விண்ணப்பக் கட்டணம் மற்றும் பெறும் முறை:

• கட்டணம்: 

பொதுப் பிரிவினருக்கு ₹200, எஸ்சி/எஸ்டி (SC/ST) பிரிவினருக்கு ₹100 (முறையான சாதிச் சான்றிதழ் நகல் சமர்ப்பிக்க வேண்டும்).

• தபால் மூலம் பெற: 

விண்ணப்பத்தைத் தபாலில் பெற விரும்புவோர் விண்ணப்பக் கட்டணத்துடன் தபால் கட்டணம் ₹50 சேர்த்து (பொதுப்பிரிவு ₹250 / SC-ST ₹150) "The Director, Tamilnadu Institute of Labour Studies, Chennai" என்ற பெயரில் வங்கி வரைவோலை (Demand Draft - DD) எடுத்து, பதிவுத்தபால் அல்லது கொரியர் மூலம் அனுப்பிப் பெற்றுக்கொள்ளலாம்.

தொடர்பு கொள்ள வேண்டிய முகவரி மற்றும் எண்கள்:

சேர்க்கை குறித்த கூடுதல் விபரங்கள் மற்றும் சந்தேகங்களுக்குப் பின்வரும் ஒருங்கிணைப்பாளர்கள் அல்லது அலுவலக எண்களைத் தொடர்பு கொள்ளலாம்:

முனைவர் M. காமராஜ் (ஆராய்ச்சி அலுவலர்): 8667754203

முனைவர் S. கார்த்திகேயன் (உதவிப் பேராசிரியர்): 9965899822

அலுவலகத் தொலைபேசி: 044 - 29567885 / 29567886

மின்னஞ்சல் (Email): tilschennai@tn.gov.in

முகவரி: 

தமிழ்நாடு தொழிலாளர் கல்வி நிலையம், 

மின்வாரிய சாலை, மங்களபுரம் (அரசு ITI பின்புறம்), 

அம்பத்தூர், சென்னை - 600 098.

 அதிகாரப்பூர்வ அறிவிப்பு வெளியீடு :