.png){kind=logo}
காஞ்சிபுரம், செப்டம்பர் 24:
காஞ்சிபுரம் மாவட்டத்தில் வரும் செப்டம்பர் 28-ஆம் தேதி (ஞாயிற்றுக்கிழமை) நடைபெறவுள்ள குரூப்–2 போட்டித் தேர்வில் பங்கேற்கும் தேர்வர்கள் தேர்வு மையங்களுக்கு சென்று திரும்புவதற்கு சிறப்பு பேருந்து சேவைகள் ஏற்பாடு செய்யப்பட்டுள்ளதாக ஆட்சியர் அலுவலகம் வெளியிட்ட செய்திக்குறிப்பில் தெரிவிக்கப்பட்டுள்ளது.
✦ தேர்வு தொடர்பான முக்கிய அறிவுறுத்தல்கள்
- தேர்வர்கள் காலை 8.30 மணிக்குள் அனுமதி சீட்டுடன் தேர்வுக்கூடத்தில் வர வேண்டும்.
- காலை 9.00 மணிக்கு பிறகு வரும் தேர்வர்கள் எந்தக் காரணத்திற்கும் அனுமதிக்கப்பட மாட்டார்கள்.
- தேர்வு நேரம் முடிவடையும் 12.30 மணிக்கு முன்பாக தேர்வறையிலிருந்து வெளியேறவும் அனுமதி இல்லை.
- தேர்வுக்கூட அனுமதி சீட்டுடன், ஆதார் அட்டை, கடவுச்சீட்டு, ஓட்டுநர் உரிமம், பான் கார்டு, வாக்காளர் அட்டை போன்ற அடையாள ஆவணங்களை அசல்/நகல் கொண்டு வர வேண்டும்.
- கைப்பேசி, மின்னணு கடிகாரம், மின்னணு சாதனங்கள் உள்ளிட்ட பொருட்கள் எடுத்துச் செல்ல தடை.
✦ சிறப்பு பேருந்து வசதி
தேர்வர்கள் தேர்வு மையங்களுக்கு எளிதாகச் செல்ல, அரசுப் போக்குவரத்துக் கழகம் மூலம்:
- தேர்வு நாளன்று (செப்.28) காலை 6.00 மணி முதல்,
- காஞ்சிபுரம் மத்திய பேருந்து நிலையத்திலிருந்து தேர்வு மையங்களுக்கு,சிறப்பு பேருந்து சேவைகள் இயக்கப்படும்.
