சிறந்த உணவு வணிகர்களுக்கு தமிழக அரசு விருது – காஞ்சிபுரம் ஆட்சியர் அறிவிப்பு

 காஞ்சிபுரம், ஆகஸ்ட் 1:

காஞ்சிபுரம் மாவட்டத்தில் சிறந்த முறையில் செயல்படும் உணவு வணிகர்களுக்கு தமிழக அரசு விருதும், பரிசுத் தொகையும் வழங்க திட்டமிடப்பட்டுள்ளது என மாவட்ட ஆட்சியர் திரு.கலைச்செல்வி மோகன் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

 

இதற்காக நெகிழி பயன்படுத்தாமல், மறும் பொருட்கள் மறுசுழற்சி செய்யும் உணவகங்கள், மற்றும் தெருவோர சிறிய வணிகர்களும் விண்ணப்பிக்கலாம்.

விருதுக்கான விவரங்கள்:

• மிகச் சிறந்த உணவகங்கள் (வருடாந்திர வருமானம் ரூ.12 லட்சத்திற்கு மேல்):
  🏆 ரூ.1 லட்சம் பரிசுத் தொகையுடன் விருது

• சிறிய உணவகங்கள் மற்றும் தெருவோர வணிகர்கள்:
  🏆 ரூ.50,000 பரிசுத் தொகையுடன் விருது

விண்ணப்பிக்க வேண்டிய கடைசி தேதி:

2025 ஆகஸ்ட் மாத இறுதி

தகுதி விவரங்கள்:

• உணவகத்திற்கு உணவு பாதுகாப்புத்துறையின் உரிமம் மற்றும் பதிவுச் சான்றிதழ் உள்ளதா என்பதை உறுதி செய்ய வேண்டும்.

• விண்ணப்பதாரர் உணவுப் பாதுகாப்பில் பயிற்சி பெற்றவராக இருக்க வேண்டும்.

• உணவக ஊழியர்களுக்கு 12 மாதங்களுக்கான தொற்றுநோய் சான்றிதழ் புதுப்பிக்கப்பட்டதாக இருக்க வேண்டும்.

• FSSAI அங்கீகரிக்கப்பட்ட நிறுவனம் மூலம் சுகாதார தணிக்கை மேற்கொள்ளப்பட்டிருக்க வேண்டும்.

• உணவு பாதுகாப்புத்துறையின் சரிபார்ப்பு பட்டியலில் இடம் பெற்றிருக்க வேண்டும்.

• ஆபத்துள்ள உணவுப் பொருட்கள் தொடர்பான மதிப்பீட்டில் 90% மதிப்பெண்கள் பெற்றிருக்க வேண்டும்.

• சுய அறிவிப்பு பட்டியல் சமர்ப்பிக்க வேண்டும் – சுகாதார நடைமுறை, கழிவு மேலாண்மை ஆகியவை பின்பற்றப்படுகிறதா என்பதைக் குறிக்க.

விண்ணப்ப மற்றும் தொடர்பு விவரங்கள்:

விருப்பமுள்ளவர்கள் காஞ்சிபுரம் ஆட்சியர் அலுவலக வளாகத்தில் உள்ள சார் ஆட்சியர் கட்டிடத்தின் முதல் தளத்தில் செயல்படும் மாவட்ட உணவு பாதுகாப்பு நியமன அலுவலரை அல்லது உதவியாளர் வி. முத்துகுமரனை (மொபைல்: 88257 39050) நேரில் தொடர்புகொள்ளலாம்.

Tamil Nadu Government Food Vendor Awards – Kanchipuram 2025