பிற்படுத்தப்பட்டோர் மக்களுக்கு நவீன சலவையக அமைப்பதற்கான ரூ.5 லட்சம் மானியம் – குழு விண்ணப்பங்கள் வரவேற்பு

 

வேலூர் மாவட்டத்தில், பிற்படுத்தப்பட்டோர் / மிகப்பிற்படுத்தப்பட்டோர் / சீர்மரபினர் இன மக்களின் பொருளாதார மேம்பாட்டிற்காக நவீன சலவையகம் அமைக்கும் சிறப்பு திட்டத்திற்கு ரூ.5,00,000 மானியம் தமிழக அரசு திருத்திய ஆணை மூலம் அறிவிக்கப்பட்டுள்ளது.

இத்திட்டத்தின் கீழ், 5 நபர்களைக் கொண்ட குழு அமைத்து, சலவைத் தொழிலில் அனுபவமுள்ளவர்கள் இந்த நவீன தொழில்முறை திட்டத்தில் பங்கேற்கலாம்.

 

வேலூர் :

வேலூர் மாவட்டம் பிற்படுத்தப்பட்டோர் / மிகப்பிற்படுத்தப்பட்டோர் / சீர்மரபினர் இன மக்களின் பொருளாதார மேம்பாடு தொடர்பாக நவீன சலவையகங்கள் அமைத்திட மேற்கண்ட இன மக்கள் 5 நபர்களை கொண்ட உறுப்பினர்கள் குழுவாக அமைத்திட வேண்டும்.  அக்குழுவிற்கு நவீன முறை சலவையகம் அமைத்திட தேவையான உபகரணங்கள் வாங்குவதற்கு ரூ. 5,00,000 வழங்கிட திருத்திய அரசு ஆணை வெளியிடப்பட்டுள்ளது. 

இத்தொழிலில் முன் அனுபவம் உள்ள பிற்பட்ட வகுப்பினர், மிகப் பிற்பட்ட வகுப்பினர், சீர்மரபினர் வகுப்பைச் சார்ந்த மக்கள் 5 நபர்கள் கொண்ட குழுவாக வேலூர் மாவட்ட பிற்படுத்தப்பட்டோர் நல அலுவலகத்தை தொடர்பு கொண்டு விண்ணப்ப படிவங்கள் பெற்று கொள்ளலாம். 

பூர்த்தி செய்யப்பட்ட விண்ணப்ப படிவங்கள் மாவட்ட ஆட்சித்தலைவர் அவர்களின் தலைமையில் ஏற்படுத்தப்பட்ட தேர்வு குழுவினரால் பரிசீலனை செய்து தேர்வு செய்யப்படும் விண்ணப்பங்கள் ஆணையர் மிகப் பிற்படுத்தப்பட்டோர் மற்றும் சீர்மரபினர் நல இயக்கம், சென்னை அவர்களுக்கு பரிந்துரை செய்யப்படும்.

✅ பயனாளிகளுக்கான தகுதிகள் மற்றும் நிபந்தனைகள்:

1. குழு உறுப்பினர்களின் குறைந்தபட்ச வயது வரம்பு 20 ஆகும்

2. குறு, சிறு, மற்றும் நடுத்தரத் தொழில் நிறுவனங்கள் ( Ministry of Micro, Small and Medium Enterprises) துறையின் மூலம் பயிற்சி பெற்ற நபர்களை கொண்ட குழுவிற்கு முன்னுரிமை வழங்கப்படும்.

3. 5 நபர்களை கொண்டு ஒரு குழுவாக இருத்தல் வேண்டும்.

4. குழு உறுப்பினர்கள் பிற்படுத்தப்பட்டோர் / மிகப் பிற்படுத்தப்பட்டோர்  /  சீர்மரபினர் இனத்தைச் சார்ந்தவர்களாக இருத்தல் வேண்டும்.

5. குழுவிலுள்ள பயனாளிகளின் ஆண்டு வருமானம் ரூ.1,00,000/- க்கு மிகாமல் இருத்தல் வேண்டும்.

📝 விண்ணப்பம் பெறும் இடம்:

• மாவட்ட பிற்படுத்தப்பட்டோர் நல அலுவலகம், மாவட்ட ஆட்சியர் அலுவலகம், முதல் தளம், வேலூர்

• தகுதியுள்ள குழுவினர் விண்ணப்பங்களைப் பெற்று, பூர்த்தி செய்து சமர்ப்பிக்கலாம்

• விண்ணப்பங்கள் மாவட்ட தேர்வு குழு மூலம் பரிசீலனை செய்யப்படுவதுடன், சென்னை தலைமையகத்திற்கு பரிந்துரை செய்யப்படும்

மேலும், கூடுதல் விவரங்களுக்கு  மாவட்ட ஆட்சியர் அலுவலகத்தில் முதல் தளத்தில் செயல்படும் மாவட்ட பிற்படுத்தப்பட்டோர் நல அலுவலகத்தை தொடர்பு கொண்டு தகுதியுள்ள மக்கள் இத்திட்டத்தில் பங்கேற்று பொருளாதார முன்னேற்றம் பெற வேண்டுமென வேலூர் மாவட்ட ஆட்சித்தலைவர்  வே.இரா.சுப்புலெட்சுமி  தெரிவித்துள்ளார். 

#LaundryUnitSubsidy #BCWelfareScheme #VelloreWelfare2025 #MBCDevelopment #SelfEmploymentScheme